زمانہ صحابہ کرام رضی اللہ تعالیٰ عنہ میں بحمداللہ ہزار ہا بلاد عجم فتح ہوئے۔ ہزاروں عجمی حاضر ہوئے مگر کبھی منقول نہیں کہ انھوں نے انکی غرض سے خطبہ غیر عربی میں پڑھا یا دوسری زبان کا خلط کیاہو۔ عوام کا یہ عذرجب صحابہ کرام کے نزدیک لائق لحاظ نہ تھا اب کیوں مسموع ہونے لگا۔ بات یہ ہے کہ شریعت مطہرہ نے علم سیکھنا سب پرواجب کیا ہے عوام نہیں سمجھتے، بسبب اس کے کہ نہیں سمجھے،کیا انکے لئے قرآن اردو میں پڑھا جائے؟ واللہ تعالیٰ اعلم۔ (۲)خطبہ کے لئے جو اذان ہوتی ہے وہ خطیب کے سامنے اور خارج مسجد کہی جائیگی کہ یہ دونوں سنت ہیں۔ محاذات خطیب دوسرے اذان کا مسجد کے باہر ہونا۔ مسجد کے اندر اذان دینا منع وخلاف سنت ہے۔ بخاری شریف میں ہے۔ :۔